Moción para a realización dun calendario municipal coas festas e actividades que se celebran tradicionalmente no concello de Mo
O día 9 de decembro de 2015 na Comisión Informativa de Cultura, analizouse polos seus membros a problemática que se estaba a crear no Concello pola coincidencia nas datas, en lugares cercanos de actividades organizadas polas diferentes asociacións e tamén pola coincidencia de estas actividades con actos programados polo Concello.
Despois dun prolongado debate onde o sentir xeralizado era evitar estas situación; xa que diminue considerabelmente as posibilidades de que acudan e disfruten os veciñ@s no maior número posibel.
Dsitintos membros da Comisión propuxemos varias solución; propondo o noso Grupo que no mes de decembro dende a secretaría de Cultura se Solicitase ás Asociacións as suas Programacións para o ano seguinte. E que unha vez analizadas as propostas, xunto coas Actividades que organiza o Concello se chegase a un Consenso para resolver o problema existente e así evitar as interferencias e sacarlle o máximo rendimento económico e cultural aos actos que se programen.
Como queira que isto non se levou a cabo; e recentemente se puxo en evidencia unha enorme interferencia na parroquia de Mos co cambio de data da II edición “Son do Pazo” para o día en que dende hai 15 anos se celebra a Festa da Prehistoria.
Propomos para o seu debate e aprobación no vindeiro pleno o seguinte acordo:
- No mes de decembro de cada ano a Secretaria de Cultura solicitará ás Asociacións a Programación de Actividades e festexos para o ano seguinte.
- O Concello realizará a súa proposta de programación de Actividades Propias tamén nestas datas para o ano seguinte.
- No mes de xaneiro publicarase o Calendario de Actividades na web do Concello e comunicarselle a todas as Asociacións e oportunaménte actualizarase dito calendario coas novas actividades que surxan ou modificacións.
Mos a día 16 setembro de 2016.
asemblea veciñal mosense 