asemblea veciñal mosense

Visitounos a Senadora Vanesa Angustias de En Marea, convidada por nós para recabar  necesidades as urxentes da nosa vila para que están sexan incluidas nos orzamentos estatais deste ano 2017.

Demandas que son competencia do Ministerio Fomento como por exemplo a adecuación do perigoso cruce da saida da AP-9 en Puxeiros ou a necesidade de reducir a contaminación acústica que sofren as parroquias de Petelos e Tameiga polo intenso ruido do tráfico rodado da A-55. Para o que propondremos que se acometan as obras necesarias para instalar pantallas acústicas nas zoanas onde hai vivendas aos marxenes.

O problema do cruce da saida da AP-9 leva moito  tempo sen que ninguen se implique en resolvelo, por iso nós presentamos o ano pasado unha moción ao pleno de Mos solicitando que se instara a Fomento a adecuar este cruce.

Como esta moción foi aprobada por unanimidade, nós agardabamos que a sra. Arévalo fora entón a encargada de xestionar esta demanda coa demarcación do Ministerio. Pero no pasado pleno preguntamoslle polas xestións realizadas e respondeunos que non ian facer nada,só agardar a que o Ministerio tivese a ben facelo.

Cando nós denunciamos esta pasividade o PP mosense reaccionou cunha sarta de ataques contra nós e con argumentos tan absurdos como que a cousa non ía con eles e que eso era problema do alcalde de Vigo. Ante a incapacidade da sra. Arevalo de xestionar este asunto recurrimos as nosas representantes de En Marea en Madrid. Por iso, presentaremos unha enmenda aos orzamentos do estado de 2017 para que estos recollan a financiación adecuada para o Ministerio de Fomento adecue este curce a maior brevedade. Máis cando o ministerio xa ten expropiados os terreos adecuados.