O Goberno galego do PP dixo NON a atender as necesidades dos nosos maiores.
O pasado xoves 27, o grupo parlamentar En Marea a través da deputada e vicepresidenta do parlamento Eva Solla expuxo na Comisión 5ª do Parlamento Galego a proposición sobre o aproveitamento de parte das instalacións do antigo hospital psiquiátrico do Rebullón para atender as necesidades sociosanitarias da comarca.
Unha proposta que conta co respaldo de case todos os concellos da área, xa que Vigo, Redondela, Cangas, Porriño, Tui, Gondomar, Mondaríz e Salceda de Caselas aprobaron sen ningunha oposición nos seus respectivos plenos a mesma moción que a iniciativa nosa aprobouse en Mos o ano pasado e que como anunciamos a principios de ano foi presentada por En Marea no Parlamento Galego. .
Inda que contou co apoio de Psoe e Bng, foi tumbada polo Partido Popular quen demostra así que goberna de costas as peticións e necesidades da poboación da nosa área, incluso cando esas peticións estan avaladas polas súas propias agrupacións locais. O Goberno galego do PP dixo NON a atender as necesidades dos nosos maiores, rexeitando incluso facer un simple estudo sobre as necesidades sociosanitarias da comarca. Moito nos tememos que estas instalacións xa teñen un destino e este non vai ser atender as necesidades dos nosos maiores nin tan sequera establecer servizos públicos comarcais.
Pronto veremos estas instalacións sendo o agasallo para algunha empresa privada afín.
asemblea veciñal mosense 