Comunicado conxunto ante a paralización oficial das obras da autovía A-55
O Ministerio de Fomento fixo oficial a paralización das obras de mellora da seguridade nos accesos da autovía A-55 no treito comprendido entre Vigo e Porriño que atravesa Mós. Esto é só un anuncio formal, porque de todos e todas as usuarias desta autovía era sabido que estas obras levan máis dun ano sin actividade, de feito, apenas se realizaron mínimas actuacións hai case dous anos.
Sen esaxerar moito case houbo máis actividade cando Fomento e Xunta viron fai máis de dous anos a anunciar estas obras como de execución inmediata que nestos anos transcurridos.
A desculpa esgrimida por Fomento, “a complexidade das obras de reforma”, reflexa tanto a improvisación coa que anunciaron e iniciaron as obras en período electoral como a incapacidade manifesta para xestionar os recursos públicos por parte do Partido Popular.
Non fai falla redundar na alta siniestrabilidadde desta autovía para lembrar a urxencia da execución destas melloras nos accesos. Dende as mareas municipalistas da contorna,Marea de Vigo, EU-SON Porriño e GañaMós, esiximos que se reanuden as obras a maior brevedade cun programa de execución serio, sen máis burlas a cidadanía, e que se invirta a totalidade da partida comprometida.
Solicitamos tamén que namentras non se rematan as obras se libere o peaxe da AP-9 no treito entre Vigo e Tui como alternativa a situación da A-55.
Instamos a Fomento que namentras as obras esten paralizadas sen data próxima de reanudación revise a necesidade de manter a sinalización provisional e elementos de balizamento na calzada da autovía A-55, xa que esta resulta en si mesma un perigo para o trafico rodado e un obstáculo para a circulación fluida.
Asinan as mareas municipais das vilas directamente afectadas:
Marea de Vigo, EU-SON Porriño e GañaMós.
asemblea veciñal mosense 