Moción para que o Concello de Mós inste ao Ministerio de Fomento a axilizar os trámites pra cumplir co mandato do Congreso dos Deputados/as
Foron aprobadas, sen ningún voto en contra, no Congreso dos Deputados en Madrid dúas propostas para acadar unha solución ao grave problema da autovía A-55. Dúas propostas que entendemos contan ademáis do apoio do Congreso co consenso de todas e todos os mosenses e mesmo dos seus representantes no consistorio. A primeira foi defendida nalgún momento por todas as agrupacións locais dos partidos (BNG, Psoe e PP) antes incluso de que se conformara o noso grupo municipal e a segunda foi aprobadade xeito unánime en sesión plenaria a petición de GañaMós.
1.- O Congreso dos Deputados/as aprobou instar ao Ministerio de Fomento a que presente o máis axiña posible á concesionaria AUDASA unha oferta de reestruturación das peaxes no tramo da Autoestrada da Atlántico AP-9 entre Vigo e Tui que discurre paralela á A-55 Vigo-Porriño, co obxectivo de implantar unha tarifa anual bonificada para os turismos e vehículos pesados que utilicen habitualmente dita vía. A Establecer, en colaboración coa Xunta de Galicia, os mecanismos de control e supervisión das obrigacións dos titulares da concesión da AP-9, ao obxecto de garantir que os mesmos realicen un adecuado mantemento e a mesma, con aplicación das melloras técnicas dispoñibles, enfocado á seguridade e comodidade do usuario, e que asegure a adecuada durabilidad da infraestrutura. Tamén aprobou que sen prexuízo do anterior, estude as posibilidades de conferir carácter gratuíto ao paso de certos tramos da AP-9, así como unha recuperación da concesión e a posterior cesión da súa titularidade e competencias á Xunta de Galicia, nos termos que se acorden previa negociación entre as partes implicadas.
2.- O Congreso dos Deputados/as aprobou instar ao Ministerio de Fomento a realizar as actuacións necesarias para mellorar a seguridade viaria no cruzamento que conforma a antiga estrada Vigo-Madrid coa saída da autoestrada AP-9 no alto de Puxeiros, na confluencia entre o concello de Vigo e o de Mos. Para ese efecto, empraza ao Ministerio a estudar, a través dos técnicos da DGT, a opción máis óptima para abordar a problemática deste punto negro, co fin de levar a cabo as actuacións necesarias tendentes a atallar o problema de seguridade viaria existente.
Non dubidamos que o Ministerio de Fomento acatara o mandatado polo orgáno de represetación da soberanía de todas/os cidadáns pero as e os mosenses sabemos do urxente de implementar estas medidas e paliar a altisima siniestrabilidade da autovía A-55.
Por isto, solicitamos ao Concello de Mós que inste a Fomento a iniciar sen demora os trámites para levar acabo ambas actuacións consignando os fondos necesarios nos investimentos de 2018.
asemblea veciñal mosense 