Moción para que o Concello de Mós apoie a Folga Feminista do 8 de marzo.
A inaceptable violencia machista que só en España supuxo o asasinato de máis de 1.000 mulleres en apenas 14 anos, súmanse as consecuencias infames que en pleno século XXI ten a desigualdade entre mulleres e homes en todo o mundo.
Esta desigualdade maniféstase a diario en múltiples ámbitos pero, sen dúbida, no campo laboral é onde se presentan dunha forma máis evidente: a brecha salarial entre xéneros é do 20% a favor dos homes; as mulleres seguen asumindo en todo o mundo unha carga desproporcionada de traballo non remunerado; os permisos de maternidade e paternidade que posibilitan a repartición de responsabilidades no coidado de fillas e fillos entre ambos os proxenitores son nulos ou escasos.
As mulleres representan un 63% da actividade laboral mundial de quen traballa e perciben ingresos á marxe de disposicións legais formais, incluídas as de control tributario estatal; as mulleres migrantes ven sometidas a condicións laborais máis precarias que os homes migrantes véndose expostas a xornadas de traballo máis longas e a un acceso á protección social inexistente ou moi limitado; a violencia contra as mulleres no espazo laboral é unha realidade inadmisible: só na Unión Europea o 32% do 55% das mulleres que aseguran experimentar acoso sexual, sufrírono no seu lugar de traballo.
As mulleres representan o 65% da poboación mundial que alcanzando as idades previstas polas leis para recibir unha pensión de xubilación non a reciben. Todo isto por mencionar só algúns datos que constatan a preocupante situación das mulleres no campo laboral a nivel mundial.
Ante iso, acabar coa discriminación entre mulleres e homes resulta, non só un deber ético, senón un inaprazable compromiso histórico no que todas as institucións do Estado teñen que participar activa e protagónicamente.
Por iso, e ante o anuncio dos sindicatos de dar cobertura legal o próximo 8 de marzo ao paro internacional de mulleres impulsado por numerosas organizacións do movemento feminista en todo o mundo, solicitamos que o Pleno do Concello de Mós adopte o acordo para que O Concello de Mós secunde a Folga Feminista do próximo 8 de marzo e, polo tanto, garanta o exercicio do dereito fundamental de folga previsto na Constitución e na lei, apoiando así a todas aquelas persoas do noso Concello comprometidas con acabar coa discriminación social, legal, política, moral e verbal que sofren actualmente as mulleres do mundo.
asemblea veciñal mosense 