Día da reunión: Venres 29 de xaneiro de 2016.
Hora da reunión: 20:30
Lugar: Centro Social, Cultural e Deportivo As Pedriñas, Avenida Rebullón, s/n.
Composición da mesa:
- Moderador/a: Román González Garrido
- Secretario/a: Martín Vázquez Fernández
Asisten __21__ socios.
Sendo as __20:45___ horas do día indicado, damos comezo a reunión da asamblea de GañaMos Asemblea Veciñal para tratar a seguinte orde do día:
ORDEN DO DÍA:
- Lectura e aprobación da acta da asemblea anterior.
- “Replantexamento do funcionamento orgánico de GañaMos. Qué e cómo queremos ser? (punto proposto pola comisión permanente).”
- Reorganización da Comisión Permanente.
- Grupos de traballo (punto proposto pola comisión permanente).
- Medidas a tomar sobre o PXOM (punto proposto pola comisión permanente).
- Dirección Redes Sociais e Prensa (punto proposto pola comisión permanente).
- Fixar día e lugar para a seguinte asemblea e o seu orde do día (punto proposto polo equipo de organización).
Lectura e aprobación da acta da asemblea anterior.
Lectura da acta anterior a cargo do moderador e aprobación por 15 votos a favor e 2 abstencións.
Recóllese a proposta de Marcos Escudero de mellorar a redacción e a elaboración da acta.
Así mesmo, proponse a gravación da asemblea en audio como ferramenta para a elaboración da acta. Sen haber posicións contrarias a esta medida comézase a gravar a asemblea por parte do secretario Martín Vázquez ata o final da mesma.
- “Replantexamento do funcionamento orgánico de GañaMos. Qué e cómo queremos ser? (punto proposto pola comisión permanente).”
Cristobal López expón a dinámica que segue: trátase de separarse por grupos de cinco persoas a cargo dun moderador e responder a tres cuestións formuladas no momento. As respostas a estas preguntas serán debatidas nos grupos e recollidas nun papel para, posteriormente, seren sintetizadas en conxunto. Esta síntese será guía para a posterior discusión da asemblea.
Velaquí as conclusións recollidas ás diferentes preguntas:
1ª. Como che gustaría que fose GañaMos?
– Máis participativo
– Máis democrático
– Cun discurso máis contundente
– Rupturista: que non sexan nin funcionen como os demais.
– Máis “de esquerdas”
2ª. Puntos fortes e fracos de GañaMos.
Fortes:
– Heteroxeneidade dos seus participantes.
– Obxectivo común.
Fracos:
– Falta de cohesión.
– Falta de comunicación.
– Falta de coordinación.
– Falta de compromiso.
– Funcionamento da permanente.
3ª. Medidas para solucionar os problemas tendendo ó dito.
– Posta en funcionamento real dos grupos.
– Darlle un encaixe ós grupos nas asembleas.
– Programar máis asembleas.
– Reformular a figura da permanente.
Atendendo a este terceiro punto, e tendo en conta o dito con anterioridade, os ideais, os problemas e fortalezas do grupo, márcanse os temas a seguir suplindo así os puntos 3, 4 e 6:
– Discusión aberta e propostas para a posta en funcionamento real dos grupos.
– Discusión aberta e propostas sobre encaixe dos grupos nas asemblea.
– Discusión aberta e propostas sobre a realización de máis asembleas.
– Discusión aberta e propostas sobre a figura da permanente.
2.1 Discusión aberta e propostas para a posta en funcionamento real dos grupos.
Intervén Pablo Castro e remarca que o máis importante é definirnos politicamente: somos de esquerdas ou non? Resolvese que este non é o momento de tocar iso e continúase coa dinámica.
Houbo varias proposta que non se chegaron a votar nin a reunión o consenso claro da asemblea. Entre elas:
– Facer borrón e conta nova ante o nada operativo organigrama que hai ata o de agora. Que os coordinadores de cada grupo definan nun texto de cinco liñas a función do grupo, que especifiquen noutra parte o que esperan dos participantes dese grupo e que apunten os membros do seu grupo. Toda esta información que se presente ante o que agora se coñece como a “comisión permanente” para que teñan constancia dos grupos e que este documento se pase á militancia co obxectivo de informar e de dar oportunidade a posteriori. Proposta por Martín.
– Tomar a lista preexistente para tachar a xente inactiva e os grupos que xa non funcionan. Traballar sobre a base dos que queda e apuntar novamente a máis xente. Se é preciso explicando cal é a función de cada grupo. Proposta por Cristóbal.
– Tomar os grupos por sectores e adscribir a cada membro dos que agora están na asemblea a unha área. Proposto por Troitiño.
– Creación do grupo de “Rexistro” como grupo técnico para ir arquivando e organizando a información recompilada. Proposto por Troitiño.
Outros ideas que saíron no debate:
– Necesidade de que en cada grupo haxa un concelleiro, coordinador ou non.
– Necesidade da autonomía dos concelleiros que leven unha liña marcada pola asemblea.
– Necesidade da definición dos labores do grupo de traballo e das actividades que se lles pide.
– Necesidade de creación de grupos de apoio en certas áreas do concello.
– Necesidade de liberdade dos grupos á hora de propor cousas.
– Algúns grupos non foron convocados moitos pese a vontade de funcionar dos seus integrantes.
– Os grupos deben ser a base que rexa o traballo dos concelleiros. O traballo dos grupos debe marcar a decisión que se vaia tomar na asemblea.
– Os grupos hai que xuntalos para que non quede unha persoa en cada grupo.
– Os tempos do traballo dos grupos tennos que marcar o traballo deles mesmos, non os tempos dos demais partidos políticos.
– Temos que ter grupos de creación de contidos pero tamén de axuda ós concelleiros, de axuda urxente que poida xurdir das comisións informativas.
– Uso das redes sociais para pedir axuda e transmitir información para mellorar os grupos.
Cristóbal propón pechar a sesión e que os concelleiros adscritos acada grupo sectorial fagan un texto sobre de que se encarga o seu grupo e que se espera dos integrantes para a próxima asemblea.
Tras a proposta do receso da asemblea por excedernos do tempo Roberto propón saltar o punto 5 por urxencia. Decidimos que, dado que houbo xente que tivo que marchar, deixemos o punto 5 para a próxima asemblea e marcalo como urxente.
- Fixar día e lugar para a seguinte asemblea e o seu orde do día.
Queda fixada a seguinte asemblea para o vindeiro venres día 6 de febreiro do 2016 ás 20:30 h no CSCD As Pedriñas. Orde do día:
- Lectura e aprobación da acta da asemblea anterior.
- Discusión do funcionamento orgánico de GañaMos:
- Funcionamento dos grupos e encaixe nas asembleas.
- Incrementar o número de asembleas
- Funcionamento da permanente.
- Toma de postura da asemblea ante a proposta das medias a tomar respecto do PXOM (exposición e votación). ALTA PRIORIDADE.
- Rogos e preguntas.
- Fixar día e lugar para a seguinte asemblea a súa orde do día.
Excedido o tempo máximo de duración da asemblea e pospoñendo así os puntos que restan para a seguinte convocatoria, levántase a sesión sendo as __23:00___ horas do día citado, de todo o cal damos fe e firmamos a presente co visto e prace como secretario/a e moderador/a desta sesión.
- e pr. do MODERADOR e do SECRETARIO a ___ de _______ do 2016.
Fdo.: Fdo.:
asemblea veciñal mosense 